Тошкентда «Агрегат заводи» АЖ ва унинг таъсисчилигидаги «Агрегат автокомплект» МЧЖнинг бўшаётган бино ва иншоотлари билан аукцион савдолари якунланди.
Бу жорий йилги кимошди савдосидаги энг йирик лотлардан бири – бино ва иншоотларнинг умумий майдони 52 928 квадрат метрни ташкил қилади.
Бошланғич нархи 130 млрд сўм бўлган давлат активи 208,7 млрд сўмга сотилди. Онлайн аукционда 3 нафар иштирокчи иштирок этди.
Аукцион ғолиби Build Power МЧЖ бўлди. Давлат статистика қўмитаси маълумотларига кўра, компания 2021 йил охирида ташкил этилган бўлиб, унинг 99 фоизи Golden House компаниясига тегишли.
Давлат активи корхоналарининг ишлаб чиқариш қувватлари Чирчиқ шаҳридаги «Чирчиқ қишлоқ хўжалиги техникаси заводи» ҳудудига кўчириб ўтказилиши сабабли савдога қўйилган эди.
Сотишдан тушадиган маблағлар ушбу корхоналарни кўчириш, янги бино ва иншоотлар барпо этиш ҳамда модернизация қилишга мақсадли йўналтирилади.
Аввалроқ Тошкентдаги ҳовли МИБ томонидан 5,2 млрд сўмга аукционга қўйилгани ҳақида хабар берилган эди.
Изоҳ (0)