18 апрель куни ахборот технологиялари ва коммуникацияларини ривожлантириш вазири Шерзод Шерматов Microsoft компанияси вакиллари билан онлайн учрашув ўтказди. Бу ҳақда АКТ вазирлиги матбуот хизмати хабар берди.
Йиғилишда Microsoft компанияси, Америка—Ўзбекистон Савдо палатаси ва Ўзбекистоннинг АҚШдаги элчихонаси вакиллари иштирок этган ҳамда ҳамкорликнинг долзарб ва истиқболли йўналишлари муҳокама қилинган.
Бундан ташқари, IT-таълимни ривожлантиришга жиддий эътибор қаратиш, ушбу жараёнларга кўпроқ ёшларни жалб этиш, малакали кадрлар тайёрлаш масалалари кўрилган.
Шунингдек, АКТ вазирлиги томонидан Ўзбекистонда Microsoft компаниясининг офисини очиш таклифи берилган.
«Томонлар ҳамкорликни янада мустаҳкамлаш ва қўшма лойиҳаларни амалга ошириш бўйича ишларни давом эттиришга тайёр эканликларини билдирдилар», — дейилади хабарда.
Аввалроқ World of Tanks ўйинини яратган компания Ўзбекистонда ўз офисини очиши мумкинлиги, АКТ вазири Шерзод Шерматов Ўзбекистонга кўчиб ўтмоқчи бўлган IT-компаниялар зарур инфратузилма билан таъминланишини айтгани тўғрисида хабар берилганди.
Изоҳ (0)