Ўзбекистонда йирик импорт автомобиллар учун божхона божи қисқартирилди

Аввалроқ Ўзбекистонда импорт автомобиллар учун божхона божи миқдори пасайтирилгани ҳақида хабар берилган эди.

Бироқ бу фақат двигатель иш ҳажми 3000 куб сантиметргача бўлган транспорт воситаларига тегишли эди. Булар асосан кичик автомобиллар ва баъзи седанлар (Spark ва Cobalt’га ўхшаш).

Президентнинг 15 апрелдаги қарори билан двигатель иш ҳажми 3000 куб сантиметрдан ортиқ бўлган импорт автомобиллар учун ҳам божлар пасайтирилди. Булар асосан SUV ва бошқа йирик моделлар (Trailblazer ва Traverse’га ўхшаш).

Божлар икки босқичда қисқартирилади — 15 апрелдан ва 31 декабрдан. Бунгача иш ҳажми 3000 куб сантиметрдан ортиқ бўлган импорт автомобилларни олиб кириш учун 30 доллар ва ҳар бир куб сантиметр учун 3 доллардан тўлаш керак эди.

Энди эса 31 декабргача 15 доллар ва 1,5 доллар, 31 декабрдан бошлаб эса — 15 доллар ва 1,25 доллар тўлаш керак бўлади.

Бож тўловларининг камайиши божхона расмийлаштируви нархини 30-40 фоизга камайтиради. Мисолларни бу ерда кўриш мумкин.