Президент Шавкат Мирзиёев «Бюджетлараро муносабатларни ва солиқ маъмуриятчилигини янада такомиллаштириш тўғрисида»ги қарорни имзолади.
Ҳужжат билан, жумладан, гибрид автомобиллар учун биринчи марта божхона ставкалари белгиланди. Гап ҳам ички ёнув двигатели, ҳам электр двигателига эга бўлган автомобиллар ҳақида бормоқда.
Энди бу автомобиллар ўзларининг ТИФ ТН кодларига эга бўлишди. Илгари уларга бензинда ишлайдиган автомобилларга нисбатан қўйилган ставкалар қўлланган.
15 апрелдан бошлаб гибрид автомобилларни импорт қилиш учун двигатель турига қараб 15 дан 30 долларгача тўлаш керак бўлади. Илгари қўшимча коэффициентларни тўлаш керак эди.
Божларнинг камайиши гибрид транспорт воситаларининг божхона расмийлаштируви нархини 20-30 фоизга камайтиради.
Аввалроқ Ўзбекистон импорт қилинадиган йирик автомобиллар учун божхона тўловларини пасайтиргани ҳақида хабар берилганди.
Изоҳ (0)