Шимолий Корея ҳарбийлари 16 апрель куни иккита снарядни синовдан ўтказди, ракеталар Япон денгизи йўналишида учирилди, деб хабар бермоқда Yonhap нашри Жанубий Корея ҳарбийларига таяниб.
Уларнинг маълумотларига кўра, ракеталар 25 километргача бўлган баландликда учиб, 110 километр масофани босиб ўтган, максимал тезлик эса 4 Мах’га (4900 км/соат) чиққан.
Шимолий Корея етакчиси Ким Чен Ин янги тактик бошқариладиган қуроллар синовини шахсан кузатиб турган, деб хабар бермоқда Шимолий Корея Марказий телеграф агентлиги. Маълум қилинишича, «синов муваффақиятли ўтган».
Бундан ташқари, агентлик ҳисоботида айтилишича, Ким Чен Ин «мамлакатнинг мудофаа қобилияти ва ядровий жанговар салоҳиятини янада ошириш» бўйича муҳим кўрсатмалар берган.
Йил бошидан бери Шимолий Корея ракеталар, жумладан, қитъалараро баллистик ракеталарнинг ўндан ортиқ синовларини ўтказди.
Изоҳ (0)