Харьков, Мариупол ва Киев вилоятидаги даҳшатли манзара. Урушнинг 51-кунидан фоторепортаж
15 апрель куни БМТ Украинада уруш бошланганидан бери 1982 нафар тинч аҳоли вакилининг ҳалок бўлганини маълум қилди. Харьковдаги ҳудудлардан бирининг ҳаво ҳужумига учраганидан кейин 10 нафар одамнинг, хусусан 7 ойли чақалоқ ҳалок бўлгани, 35 киши жароҳатлангани ҳақида хабар берилди. Киев вилоятида Россия қўшинлари ҳудудни тарк этганидан кейин 900 нафар тинч аҳоли вакилининг жасадлари топилган ва бу ҳақда ҳудуддаги полиция бошқармаси раҳбари маълумот берган. Украина ҳарбий кучлари бош штаби берган ахборотга кўра, 15 апрель ҳолатига Россия армиясининг йўқотишлари 20 минг нафарни ташкил қилади. Владимир Зеленский АҚШ президенти Жо Байдендан Россияни террорчиликка ҳомийлик қилаётган давлатлар рўйхатига киритишни сўраган. Севастополда «Москва» крейсери билан хайрлашув маросими бўлиб ўтди. Meduza урушнинг 51-кунида юз берган воқеалардан дарак берувчи фотосуратларни тақдим этди.
Украина фавқулодда вазиятлар давлат хизматининг сапёрлари Харьковда «Град» ракетасининг бўлагини тозалаб ташлаяпти.Фото: EPA
Харьковлик аёл ҳужум оқибатида ҳалок бўлган 15 ёшли ўғлининг тепасида ўтирибди. Йигит Россия аскарларининг Харьковга қилган ҳужумидан кейин ўлдирилганФото: AP Photo
Харьковда Россия армиясининг ҳужумидан кейин яраланган аёл «тез ёрдам»нинг шаҳардаги хиёбонга етиб келишини кутмоқда.Фото: AP Photo
Украина танки Харьков вилоятининг «Гусаркова» қишлоғида «З» белгиси қолдириб кетилган ва йўқ қилинган Россия техникаси олдидан ўтиб кетмоқдаФото: Reuters
Мариуполга олиб борадиган йўлдаги Россия тарафдори бўлган ҳарбийларФото: Reuters
Изоҳ (0)