Жанубий Африка Республикаси (ЖАР) шарқидаги Дурбан шаҳрида сув тошқинлари қурбонларининг сони 395 кишига етди, деб хабар бермоқда The Guardian.
Ўнлаб одамлар ҳануз бедарак йўқолган. Уларни ЖАР полицияси, армия ва кўнгилли қутқарувчилар қидирмоқда.
Тошқинлар у ёки бу тарзда 41 мингга яқин одамга зиён етказди. 13,5 мингдан ортиқ уй зарар кўрган, шундан деярли 4 мингтаси бутунлай вайрон бўлган.
Жанубий Африка Квазулу-Натал провинциясининг айрим қисмларида сўнгги ҳафта 48 соат ичида 450 миллиметрдан ортиқ ёмғир ёғди — бу Дурбандаги йиллик 1009 миллиметр ёғингарчиликнинг қарийб ярмига тенг.
Шу билан бирга, синоптиклар дам олиш кунида ёмғир кўпроқ ёғишини, аммо ҳафта бошидагидек кучли бўлмаслигини прогноз қилмоқда.
Аввалроқ 306 нафар одам ҳалок бўлгани ҳақида хабар берилганди. ЖАРда 60 йил ичидаги энг катта сув тошқинлари кузатилмоқда. Табиий офат сабаб Дурбанда ва шаҳар атрофидаги ҳудудларда кўприклар ҳамда йўлларга жиддий талафот етган. ЖАР президенти сув тошқинларидан талафот кўрган ҳудудларда бориб, у ердаги аҳолига ҳамдардлик билдирган.
Аввал Бразилияда юз берган сув тошқинлари ва кўчки оқибатида 150 дан зиёд одамнинг ҳалок бўлгани, Мадагаскарга ёпирилган бўрон қурбонларининг сони 100 дан ошгани, Эквадор пойтахтидаги сув тошқини оқибатида 11 киши ҳалок бўлгани ҳақида хабарлар берилган.
- Бразилияда кўчки оқибатида 94 киши ҳалок бўлди, улардан саккиз нафари вояга етмаганлар (видео)
- «Ана» тропик бўрони Африка шарқий соҳилларини вайрон қилди. Ўнлаб одамлар ҳалок бўлди, 100 минглаб инсонлар ўз уйларини тарк этди. Малави, Мозамбик ва Мадагаскардаги табиий офат талафотлари (фото)
- ЖАРда тропик бўрон оқибатида 70 киши ҳалок бўлди
Изоҳ (0)