Қашқадарё вилоятида рўйхатдан ўтган «1-сон комплекс лойиҳа қурилиш монтаж» хусусий корхонаси раҳбари З.С. корхона бош ҳисобчиси Ф.С. ва бошқа шахслар билан жиноий тил бириктириб, Мудофаа вазирлиги буюртмачилигида Қарши ва Деҳқонобод туманида янги барпо этилган ҳарбий қисмларда салкам 7 миллиард сўмлик қурилиш ишларини бажариб, мазкур пулдан давлат бюджетига тўланиши лозим бўлган 700 миллион сўм солиқ тўловидан бўйин товлаган. Бу ҳақда «Дарё» манбаси хабар берди.
Маълум бўлишича, вилоятда рўйхатдан ўтган «1-сон комплекс лойиҳа қурилиш монтаж» хусусий корхонаси Қарши туманидаги ҳарбий қисмда 1 миллиард 224 миллион 489 минг сўмлик, Деҳқонобод туманидаги ҳарбий қисмда 4 миллирд 440 миллион сўмлик қурилиш ишларини бажариб, корхонага кирим қилинган салкам 7 миллиард сўмлик пулдан давлат бюджетига тўланиши лозим бўлган 700 миллион сўм солиқ тўловларини тўлашдан бўйин товлаган.Қурувчи «1-сон комплекс лойиҳа қурилиш ва монтаж» хусусий корхонаси ҳисоб рақамидан 2019 йил август—сентябрь ойларида «Қашқадарё класс люкс» МЧЖнинг ҳисоб рақамига гўёки қўшимча қиймат солиғи билан бирга пул маблағларини ўтказиб, бунинг эвазига 3 миллирд 559 миллион сўмлик маблағларни нақдлаштириб олган. Қурувчи бу ҳаракати билан Солиқ кодексининг 218-моддаси (молиявий санкциялар) талабларини бузиб, жуда кўп миқдордаги солиқ тўловларни тўлашдан бўйин товлаб, содир этилган жиноятни яшириш мақсадида қурилиш ишлари аввалроқ бажарилгани ҳақида қалбаки далолатнома расмийлаштирган.
Суд С.З.ни Жиноят кодексининг 167-моддаси 3-қисмининг «а» банди (жуда кўп миқдорда ўзлаштириш ёки растрата йўли билан талон-торож қилиш), 28,209-моддасининг 1-қисми (мансаб сохтакорлиги), 184-моддасининг 3-қисми (солиқлар ёки йиғимларни тўлашдан бўйин товлаш), 228-моддаси 2-қисмининг «б» (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) бандида назарда тутилган жиноятларни содир этганликда айбли деб топиб, базавий ҳисоблаш миқдорининг 570 баравари миқдорида жарима жазоси тайинлади.
Мавзуга доир:
Изоҳ (0)