Ўзбекистонда аҳолининг қайси қатламига кўпроқ ипотека кредити берилгани маълум бўлди

Марказий банк 2022 йилининг дастлабки 3 ойида аҳолига ажратилган ипотека кредитлари бўйича маълумот берди.

Ушбу кредитларнинг  2,45 трлн сўми ёки 87 фоизи бирламчи уйлар сотиб олиш учун 15 557 нафар фуқарога ажратилган. Қолган 368,3 млрд сўми ёки 13 фоизи иккиламчи уйлар сотиб олиш учун 2 410 нафар фуқарога ажратилган.

Ипотека кредитлари энг кўп Тошкент шаҳрига ажратилган — 819,6 млн сўм.

Кредит расмийлаштираётган мижозларнинг 59 фоизини эркаклар, 41 фоизини аёллар ташкил этган.

Шунингдек, кредит олувчиларнинг асосий қисмини (69 фоизи) 31 дан 50 ёшгача бўлган истеъмолчилар ташкил этади.

Йил бошидан бери ипотека кредитларининг молиялаштириш манбалари:

• Молия вазирлиги — 2,27 трлн сўм;
• Банк ўз маблағлари —  508,3 млрд сўм;
• Ипотекани қайта молиялаштириш манбалари — 40,7 млрд сўм.

Аввалроқ Ўзбекистонда «янги тартиб» доирасида ипотека ҳақида асосий маълумотлар берилган эди.