Тошкент шаҳри Сергели туманида табиий газ таъминоти тўловларини ўзлаштирган МЧЖ аниқланди. Бу ҳақда Иқтисодий жиноятларга қарши курашиш қўмитаси хабар қилди.
Қайд этилишича, Бош прокуратура ҳузуридаги департаментнинг Сергели туман бўлими томонидан терговга қадар текширув ўтказилган. Унда аҳолига П.С. МЧЖ масъул шахслари Paynet шохобчаси орқали 88 нафар истеъмолчи томонидан табиий газ таъминоти учун нақд ва пластик карталар орқали амалга оширилган тўловларни талон-торож қилгани аниқланган. Улар фуқароларнинг 129,3 миллион сўм тўловларини «Ҳудудгаз Пойтахт» корхонаси ҳисоб рақамига ўтказмасдан, истеъмолчиларнинг шахсий ҳисоб варағида акс эттирмасдан, ўзлаштирган.
Ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилган. Ҳозирда тергов ҳаракатлари ўтказилмоқда.
Мавзуга доир:
- Фарғона ва Наманганда ўзгалар номига кредит расмийлаштирган шахсларга жиноят иши очилди
- Фарғонада 4,3 млрд сўмни талон-торож қилиб, қимор ўйинларига тикиб юборган коллеж бош ҳисобчиси қамоққа олинди
- Қаршида суғурта полисларини сотишдан тушган 119,7 млн сўмни талон-торож қилган шахсга жиноят иши қўзғатилди
Изоҳ (0)