Xiaomi kompaniyasi Xitoyda 78 dollar evaziga o‘zining MIJIA Smart DC Variable Frequency Standing Fan nomli yangi ventilyatorini taqdim etdi, deb xabar beradi IXBT.
Ventilyatorning o‘ziga xos jihatlaridan biri 29 metr kub/daqiqa quvvati yordamida butun uy bo‘ylab havoni aylantirish imkoniyatiga egaligida. Shuningdek, u keng burchak ostida parraklari o‘rnatilgan kallagini avtomatik rejimda aylantira oladi. Qolgan funksiyalari qatoridan harorat, namlik va havoning qanchalik chuqur aylanayotganini o‘lchashni o‘z ichiga olgan.
Xiaomi MIJIA Smart DC Variable Frequency Standing Fan ventilyatori soniyasiga 6,5 metrli uyurmali havo oqimini hosil qiladi, uzatish masofasi esa 16 metrga yetadi — bu o‘z navbatida havoning uy bo‘ylab yashi aylanishini ta’minlaydi.
Bundan tashqari, ventilyator gorizontal o‘q bo‘ylab 150 darajaga buriladi va 90 darajaga egila oladi. Ventilyator o‘chirilganida uning kallak qismi dastlabki holatiga qaytadi.
Shuningdek, ventilyator harorat va namlikni o‘lchashga qodir yuqori aniqlikka ega datchik bilan jihozlangan. Intellektual va uyqu rejimida u ishlash tezligi hamda atrof-muhit sharoitidan kelib havoni purkash intensivligini tanlay oladi.
Xiaomi’ning mazkur “aqlli” qurilmasi uydagi boshqa uskunalar, jumladan, konditsioner, namlantirgich, isitish tizimlari bilan aloqa o‘rnata oladi. E’lon qilingan suratlarga ko‘ra, u simsiz ishlaydi, biroq akkumulyator sig‘imi va bir marta quvvatlanish orqali qancha vaqt ishlay olishi haqida ma’lumot yo‘q.
Bundan oldin Xiaomi kattaligi multivarkadek keladigan kir yuvish mashinasini sotuvga chiqargani to‘g‘risida xabar berilgandi.
Izoh (0)