28 март куни Россияда аввалроқ блокланган Instagram’нинг Rossgram номли маҳаллий аналоги ишга туширилади. Бу ҳақда ижтимоий тармоқда хабар берилди.
Унинг муаллифлари Павел Дуровнинг синфдоши Александр Зобов ва тадбиркор Кирилл Филимонов бўлди. Rossgram’га оддий фойдаланувчилар 2022 йил апрель ойида киришлари мумкин.
Муаллифларнинг таъкидлашича, Rossgram қўшимча монетизация воситаларини тақдим этади. Хусусан, контентга пуллик кириш, краудфандинг (маблағ йиғиш), реферал дастур ва бошқалар қўшилади.
Rossgram Instagram’даги барча одатий функцияларга эга бўлади. Ҳозирда муаллифлар блогерлар ва ҳамкорларга баъзи имтиёзларга эга бўлган ижтимоий тармоқнинг биринчи фойдаланувчилари бўлишни таклиф қилмоқда.
14 март куни Роскомнадзор Россияда Instagram’ни блоклади. Бунга Meta компаниясининг ижтимоий тармоқларингизда россияликларга нисбатан зўравонлик ҳаракатларига чақирувчи постларни вақтинча жойлаштириш имконини берувчи қарори сабаб бўлди.
Аввалроқ Россияда Facebook, Twitter, BBC ва қатор ОАВлар қисман блоклангани ҳақида хабар берилган эди.
Изоҳ (0)