IT Park Ўзбекистон Ахборот технологиялари ва коммуникацияларини ривожлантириш вазирлиги билан биргаликда халқаро IT-сертификатни қўлга киритишга оид харажатларни қоплаш дастурини ишга туширмоқда.
Вазирлар Маҳкамасининг 2021 йил 19 майдаги 310-сон қарорига мувофиқ, Ўзбекистон Республикасининг 14 ёшдан 30 ёшгача бўлган фуқаролари халқаро сертификат олиш учун сарфланган маблағнинг 50 фоизигача компенсация олишлари мумкин.
Талаблар:
- it-istedod.uz электрон порталида рўйхатдан ўтиш
- Ушбу сайтда онлайн ариза тўлдириш
- Керакли ҳужжатларни илова қилиш (шахсни тасдиқловчи ҳужжат, харажат бўйича квитанция қоғози, IT-сертификат нусхаси)
5 иш куни ичида кўриб чиқилади ва сертификат текширилади. Текширув билан боғлиқ муаммолар юзага келган тақдирда, жараён сертификат уни берган ташкилот томонидан тасдиқланмагунча 30 календарь кунгача давом этиши мумкин.
Керакли ҳужжатлар:
- таълим ва халқаро сертификат олиш харажатлари квитанция қоғози;
- муддати 180 кундан ошмаган сертификат (pdf форматида);
- қопланиши лозим бўлган маблағлар «Алоқа банк»нинг қайси ҳисоб рақамига ёки филиалига ўтказилиши ҳақида маълумот;
- фуқаролик паспорти ёки ID-карта (агар мавжуд бўлмаса, туғилганлик ҳақидаги гувоҳнома, 3х4 ўлчамдаги рангли фотосурат).
Компенсация миқдори қай тарзда аниқланади?
Компенсация миқдори 3 хил категорияга кўра берилади.
Ёшга кўра:
- 14 ёшдан 18 ёшгача — 15 фоиз;
- 19 ёшдан 25 ёшгача — 10 фоиз;
- 25 ёшдан 30 ёшгача — 5 фоиз.
- 50 доллардан 500 долларгача — 10 фоиз;
- 500 доллардан 1 500 долларгача — 15 фоиз;
- 1 500 доллардан 5 000 долларгача — 20 фоиз.
- Бошланғич даражадаги — 5 фоиз;
- Ўрта даражадаги — 10 фоиз;
- Профессионал даражадаги — 15 фоиз.
Аввалроқ Ўзбекистонда 1 апрелдан IТ соҳасида қатор имтиёзлар жорий этилгани хабар қилинган эди.
Изоҳ (0)