«Манчестер Сити» ЕЧЛдаги 100-ўйинини ўтказди. «Шаҳарликлар» бу даврда энг кўп ғалаба қайд этиш борасида фақат бир жамоадан ортда

«Манчестер Сити» «Атлетико»ни ортда қолдириб, Чемпионлар Лигаси ярим финал йўлланмасини қўлга киритди. Мадриддаги жавоб баҳси «шаҳарликлар» учун Чемпионлар Лигасидаги 100-ўйин бўлди.

«Шаҳарликлар» нуфузли мусобақадаги юзта ўйинида 55 та ғалаба қайд этган. Бирорта инглиз жамоаси ЕЧЛдаги дастлабки 100 ўйинида бунча ғалабага эришмаган.

Фақатгина «Реал» бу борада «Манчестер Сити»дан олдинда. Мадрид жамоаси Чемпионлар Лигасидаги дастлабки 100 ўйинида 57 та ғалаба қайд этган.

Пеп Гвардиола шогирдлари ярим финалда «Реал» билан тўқнаш келади. Жамоалар ўртасидаги дастлабки ўйин 26 апрель санасида бўлиб ўтади. Жавоб баҳси эса 4 май кунига режалаштирилган.

Аввалроқ Гвардиола 9 марта ЕЧЛ ярим финалига йўл олган тарихдаги илк мураббий бўлгани хабар қилинганди.