«Реал» клуби ва Колумбия терма жамоаси собиқ футболчиси Фредди Ринкон автоҳалокат оқибатида 55 ёшида вафот этди.
11 апрель куни Ринкон ўтирган машина Калида (Колумбия) автобус билан тўқнашиб кетгани хабар қилинганди. Собиқ футболчи жиддий жароҳат билан шифохонага етказилгани ва операция қилингани айтилганди.
13 апрелдан 14 апрелга ўтар кечаси Ринкон шифохонада вафот этган.
Ринкон 1995 йилдан 1996 йилга қадар мадридликлар шарафини ҳимоя қилган. Собиқ ярим ҳимоячи 1986 йилдан то 2004 йилга қадар давом этган футболчилик фаолияти давомида «Наполи», «Korintians», «Палмейрас» ва «Америка Кали» клублари сафида тўп сурган. 1990 йилдан 2001 йилгача Колумбия терма жамоасидан чақирув олган.
Аввалроқ «Навбаҳор» футбол клуби аъзоси Самандар Йигиталиев 29 декабрь, «Бунёдкор» футболчиси Диёр Раҳимқулов 11 декабрь куни автоҳалокат оқибатида вафот этгани маълум бўлганди.
Изоҳ (0)