Футзал бўйича Ўзбекистон миллий терма жамоаси Осиё Кубоги саралаши доирасида 11 апрель, душанба куни Афғонистонга қарши баҳс олиб борди.
Учрашув Ўзбекистон футзал терма жамоасининг 5:1 ҳисобидаги ғалабаси билан якунланди. Ўзбекистонликлар сафида Ихтиёр Ропиев дубль қайд этган бўлса, Ҳусниддин Нишонов, Даврон Чориев ва Дилшод Раҳматов ўз ҳисобига биттадан гол ёздириб қўйди.
Бу ғалаба орқали очколарини 6 тага етказиб олган Ўзбекистон миллий терма жамоаси муддатидан аввал Осиё Кубоги йўлланмасига эга чиқди.
Ўзбекистон гуруҳ босқичининг дастлабки турида Непал терма жамоаси устидан йирик ҳисобда ғалаба қозонган эди. Баҳодир Аҳмедов шогирдларининг кейинги ўйини 12 апрель куни Тожикистонга қарши бўлиб ўтади.
Футзал, Осиё Кубоги саралаши
2-тур баҳси
11 апрель, душанба
Афғонистон — Ўзбекистон 1:5
Голлар: 0:1 — 2 Ҳусниддин Нишонов, 1:1 — 2 Али Amiri, 1:2 — 7 Ихтиёр Ропиев, 1:3 — 8 Ихтиёр Ропиев, 1:4 — 11 Даврон Чориев, 1:5 — 33 Дилшод Раҳматов.Ўзбекистон: Равшан Элибоев, Ихтиёр Ропиев, Илҳом Ҳамроев, Ҳусниддин Нишонов, Даврон Чориев.
Захира: Аббос Элмуродов, Машраб Одилов, Анасхон Раҳматов, Дилшод Раҳматов, Хайрулла Солиҳов, Элбек Тўлқинов, Давлат Ибрагимов, Акбар Усмонов, Музаффар Аҳаджонов.
Изоҳ (0)