Ўзбекистонда қатор компания ва ташкилотларга берилган эксклюзив ҳуқуқлар бекор қилиш орқали мавжуд монополияларнинг бартараф этилиши кутилмоқда. Бу ҳақда 8 апрель куни имзоланган «Тадбиркорлик муҳитини яхшилаш ва хусусий секторни ривожлантириш орқали барқарор иқтисодий ўсиш учун шарт-шароитлар яратиш борасидаги навбатдаги ислоҳотлар тўғрисида»ги президент фармонида кўзда тутилган.
Ҳужжатга кўра, қуйидаги компания ва ташкилотларнинг эксклюзив ҳуқуқлари бекор қилинмоқда:
- аҳолига ва ижтимоий объектларга суюлтирилган газ етказиб бериш бўйича «Ҳудудгазтаъминот» АЖнинг.
- ҳайдовчи ва ҳайдовчиликка номзодларни транспорт воситасини бошқаришга лаёқатлигини текшириш учун тиббий кўрикдан ўтказиш бўйича давлат даволаш-профилактика муассасаларининг;
- ишлатилган техник мойларни тўплаш ва қайта ишлаш бўйича Uz-Prista Recycling МЧЖ ҚКнинг;
- товарларнинг келиб чиқиши тўғрисидаги сертификатни бериш бўйича «Ўзбекекспертиза» АЖнинг;
- қишлоқ, овул ва шаҳар посёлкаларининг бош режалари лойиҳаларини ва топогеодезия хариталарини ишлаб чиқиш бўйича «Қишлоққурилишлойиҳа» АЖнинг;
- электр техника ускуналари ва қурилмалари, бутловчи буюмлар сарфлаш материалларини «Ҳудудий электр тармоқлари» компанияси тизимидаги корхоналар буюртмасига асосан марказлаштирилган ҳолда харид қилиш бўйича «Энерго РЭС» МЧЖнинг.
- пахта маҳсулотларини, қишлоқ хўжалиги экинлари уруғларини сертификатлаш бўйича «Агросаноат мажмуида хизматлар кўрсатиш маркази» ДУКнинг;
- ҳарбий хизматчилар, солиқ органлари ходимларини мажбурий суғурталаш бўйича «Ўзбекинвест» миллий суғурта компаниясининг;
- қишлоқ хўжалиги шиналари етказиб бериш бўйича «Биринчи радиотехника заводи»нинг.
Изоҳ (0)