Хоразм вилояти Хонқа туманида фуқароларга субсидия асосида уй олиб бериш учун 30 миллион сўм олган банк кассири қўлга олинди, деб хабар бермоқда Иқтисодий жиноятларга қарши курашиш департаменти.
Қайд этилишича, Бош прокуратура ҳузуридаги департамент ҳамда ДХХнинг Хонқа тумани бўлимлари томонидан тезкор тадбир ўтказилган. Унда АТБ «Қишлоққурилишбанк» Хонқа филиалининг катта кассир-назоратчиси Э.К. фуқаролар С. ва Н.га Урганч шаҳарда янги қурилаётган кўп қаватли уйлардан 2 тасини танишлари ёрдамида субсидия асосида 20 йиллик ипотека кредити орқали олиб беришни ваъда қилгани аниқланган. У хизмати эвазига олдиндан келишилган 30 миллион сўмни фирибгарлик йўли билан олган вақтида ашёвий далиллар билан ушланган.
Ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилган. Ҳозирда тергов ҳаракатлари ўтказилмоқда.
Мавзуга доир:
- Сурхондарёда ўзини ДХХ ходими деб таништириб, фуқарога Tashkent City’дан уй ва машина олиб бериш учун 1100 доллар олган шахс ушланди
- Тошкентда 2 гектар ерни 800 минг долларга сотишга уринган шахс ушланди
- Бухорода ҳокимликнинг сохта ходими фуқарога бепул уй олиб бериш учун 2 минг доллар олгани аниқланди
Изоҳ (0)