Президент Шавкат Мирзиёев «Тадбиркорлик муҳитини яхшилаш ва хусусий секторни ривожлантириш орқали иқтисодий ўсиш учун шарт-шароит тўғрисида»ги фармонни имзолади.
Ҳужжат, жумладан, чет элликлар учун «эшикларини кенгроқ очади»:
Биринчидан, хорижий давлатлар фуқаролари рўйхат бўйича янги кўчмас мулк сотиб олиш шаклида инвестиция киритиш ҳуқуқига эга бўлди (ер участкалари бундан мустасно).
Бу Тошкент ва Самарқанддаги 150 000 дан 180 000 АҚШ долларигача, бошқа вилоятларда 70 000 дан 80 000 АҚШ долларигача бўлган объектларга тааллуқли. Рўйхатини Вазирлар Маҳкамаси томонидан тасдиқланади.
Бунда мазкур назарда тутилган кўчмас мулк объектларини сотиб олиш хорижий давлатлар фуқароларига Ўзбекистонда доимий рўйхатдан ўтиш ва яшаш гувоҳномасини олиш учун асос бўлмайди.
Иккинчидан, Ўзбекистонда яшаш гувоҳномасини олиш учун талаб этиладиган кўчмас мулк қиймати миқдори Тошкент вилояти ва Тошкент шаҳрида 400 000 долларидан 300 000 доллари эквивалентигача камайтирилди.
Учинчидан, 1 майдан бошлаб хорижликлар Ўзбекистонда жисмоний шахслардан олинадиган даромад солиғини ўзбекистонликлар каби – 12 фоиз тўлайди. Илгари улар учун 12 фоиздан 20 фоизгача эди.
Аввалроқ Ўзбекистон қандай қилиб барча IT-мутахассислар талпинадиган маконга айлана бошлангани ҳақида хабар берилган эди.
Изоҳ (0)