Март ойида Ўзбекистонда ўсимлик ёғи ва шакар нархларида ўсиш кузатилди. Бу ҳақда Иқтисодий тадқиқотлар ва ислоҳотлар маркази директори Обид Ҳакимов маълум қилди.
Унинг сўзларига кўра, ўз вақтида кўрилган чора-тадбирлар туфайли муҳим бўлган озиқ-овқат маҳсулотларида, масалан, гўшт, картошка каби маҳсулотлар нархи кескин ўзгаришининг олди олиб қолинди.
Ҳакимовнинг таъкидлашича, ҳукумат томонидан муҳим резервлар (масалан, шакар) ҳар бир вилоятларга етарли даражада бўлиб берилган.
Лекин айрим бир маҳаллий ҳокимликлар томонидан мана шу ажратилган резервларни вақтида жойларга еткизиб борилмаганлиги ажиотажлар пайдо бўлиб, нархлар кўтарилиши ҳолатлари кузатилган, — деди Ҳакимов.
Ажратилган резервларни ўз вақтида тарқатиш ва бозорлардаги нархларни кескин ошишини олдини олиш бўйича алоҳида ишлар олиб бориш бўйича топшириқлари берилди.
Маҳсулотлар ва бозорлардаги ҳолатлар таҳлил қилиб бориляпти ва ўша бозорлардаги ўзгаришларни тезкор равишда тўғирлаш бўйича чоралар кўриляпти, — деди Ҳакимов.
Унинг сўзларига кўра, 1 апрель ҳолатига шакар қолдиқлари 250 минг тоннадан ортиқ ташқил қилди. Аҳолининг буғдой уни йиллик истеъмоли 2,5 млн тонна бўладиган бўлса, ҳозирги захираларнинг ўзи 1 млн тоннага яқин.
Бундан ташқари 500 млрд сўмлик имтиёзли кредитлар керакли озиқ-овқат маҳсулотларининг импорти учун берилган. Бу кредитлар муддати яна узайтирилди.
Аввалроқ Ўзбекистонда ички бозорда нархлар барқарорлигини таъминлаш мақсадида Қозоғистондан 100 минг тонна буғдой ва ун сотиб олишни ҳақида хабар берилган эди.
Изоҳ (0)