Олий ва ўрта махсус таълим вазирининг тегишли буйруғи билан 2022/2023-ўқув йилида хорижий давлатлардаги олий таълим муассасалари, Ўзбекистонда фаолият юритаётган нодавлат ва хорижий (филиаллар) олий таълим муассасаларидан давлат олий таълим муассасаларига ўқишни кўчириш учун ўтиш баллари тасдиқланди. Бу ҳақда Олий таълим вазирлиги матбуот котиби хабар берди.
Маълум қилинишича, жорий йил тизимида олий таълим муассасалари бўлган вазирлик ва идораларнинг таклифлари умумлаштирилиб, таълим соҳалари кесимида ўтиш баллари белгиланган. Йўналишлар кесимидаги ўтиш балларини Telegram’даги @infoeduuz_bot орқали билиш мумкин.
Эслатиб ўтамиз, 2021/2022-ўқув йили учун хорижий ва нодавлат олий таълим муассасаларидан ўқишни кўчириш бўйича ўтказиладиган махсус синовлар натижасига кўра тўплаш мумкин бўлган максимал балл 189 баллни ташкил этганди.
Изоҳ (0)