Наманган вилояти Учқўрғон туманида фуқароларнинг ишончига кириб, уларни шифохонада турли вазифалардаги ишларга киритиб қўйиш учун пул олган аёл ушланди. Бу ҳақда вилоят Ички ишлар бошқармаси хабар қилди.
Қайд этилишича, 2022 йил 4 апрель куни Учқўрғон туманида яшовчи аёл (1986 йилда туғилган) ариза билан мурожаат қилган. Унда 2021 йил июль ойида Наманган шаҳрида яшовчи аёл (1978 йилда туғилган) уни ҳамда 17 нафар танишларини алдаб, Наманган шаҳрида фаолият юритувчи шифохоналарга ҳамшира ва кичик тиббиёт ходими сифатида ишга киритиб қўйишини айтганини маълум қилган. Аёл ушбу фуқароларнинг ҳар биридан 300 ва 500 долларгача маблағларини олиб, пулларни қайтармасдан, жами 8 минг 500 долларни ўзининг шахсий эҳтиёжи йўлида ишлатиб юборган. Фуқаро ушбу аёлга чора кўришни сўраган.
Ҳолат бўйича Жиноят кодексининг 168-моддаси (фирибгарлик) 3-қисми билан жиноят иши қўзғатилган.
Изоҳ (0)