Ўзбекистонда сўнгги кунларда содир бўлган йўл-транспорт ҳодисалари тафсилотларини тақдим этамиз.
Наманганда Lacetti Damas билан тўқнашди
2022 йил 6 апрель куни тунги вақтда Наманган шаҳри Амир Темур кўчасида ҳаракатланаётган Lacetti автомашина ҳайдовчиси ҳаракат хавфсизлигини таъминлай олмай чорраҳадан ўтаётган Damas билан тўқнашган.
Оқибатда Damas ҳайдовчиси тан жароҳати олиб шифохонага ётқизилган. Lacetti ҳайдовчиси ва йўловчисининг аҳволи қониқарли даражада.
Қашқадарёда Nexia Lacetti’га бориб урилди
2022 йил 7 апрель куни Нишон туманида яшовчи С.М. ўзининг бошқарувида бўлган Nexia автомашинаси билан Қарши–Нишон–Таллимаржон 4Р-89 йўлининг 36-километридан Нишон тумани «Абдулла Қодирий» МФЙ томонга қарама-қарши йўлдан ҳаракатланиб келаётган Қарши туманида яшовчи Р.Ф. бошқарувида бўлган Lacetti автомашинасига урилиб, ЙТҲ содир қилган.
Ҳозирда мазкур ҳолат юзасидан Нишон туман ИИБ ЙҲХБ томонидан суриштирув ҳаракатлари олиб борилмоқда.
Наманганда Cobalt юк машинаси тиркамасига урилди
2022 йил 25 март куни соат 03:30 ларда А-373 Тошкент–Ўш йўлининг 244-километрида Поп тумани «Қўшминор» МФЙ ҳудудида Андижон вилоятида яшовчи фуқаро Cobalt автомашинасини бошқариб бораётиб, ҳаракат хавфсизлигини таъминлай олмаган.
Сўнгра шу йўналишда ўзидан олдинда ҳаракатланиб кетаётган, Фарғона вилояти Фарғона шаҳрида яшовчи фуқаро бошқарувидаги MAN русумли юк машинасига уланган Krone русумли тиркамасининг орқа томонига урилган.
Оқибатда Cobalt’да бўлган йўловчи юқори жағ суягининг ботиб ёпиқ синиши ташхиси билан тан жароҳати олиб, шифохонага ётқизилган.
Ушбу ҳолат бўйича туман ИИБ ҳузуридаги ТБ томонидан Жиноят кодексининг 266-моддаси 1-қисми (транспорт бошқариш хавфсизлиги қоидаларини бузиш) билан жиноят иши қўзғатилган.
Изоҳ (0)