Шавкат Мирзиёев раислигида 8 апрель куни Саховат, Мурувват ва Меҳрибонлик уйлари ҳамда махсус мактаб интернатлари фаолияти бўйича видеоселектор йиғилиши бўлиб ўтмоқда, деб хабар берди «Дарё» мухбири.
Қайд этилишича, давлат раҳбари 2021 йилдаги пойтахтдаги 579 та маҳалланинг ҳар бирига 2 миллиард сўмдан, жами 1 триллион 158 миллиард сўм маблағ ажратилиб, ички йўлларни қуриш-таъмирлаш бўйича катта кўламдаги ишлар амалга оширилганини эслаб ўтган.
«Бу чора жуда яхши самара берганини ҳисобга олиб, 2022 йилда ҳам ҳар бир маҳаллага республика бюджетидан 1 миллиард сўмдан, маҳаллий бюджетнинг қўшимча даромадлари ҳисобидан яна 1 миллиард сўмдан ажратиб, ички йўлларни яхшилаймиз. Бундан ташқари, Тошкент шаҳри маҳаллий бюджетининг биринчи чоракдаги прогноздан юқори тушуми ҳисобидан 200 миллиард сўм маблағ маҳаллалар инфратузилмасини яхшилашга йўналтирилади», — деди президент.
Шавкат Мирзиёев Қорақалпоғистон Республикаси, вилоятлар ҳокимликлари пойтахт тажрибаси асосида, ўзларининг марказий шаҳарларида ободончилик, озодалик ва кўкаламзорлаштиришни таъминлаш, аҳолининг бўш вақтини мазмунли ташкил этиш бўйича топшириқ берди.
Мавзуга доир:
- Ўзбекистонда 2022 йилда 2 минг 300 километр цемент-бетон қопламали ички йўллар ётқизилади
- «Аҳолидан тушаётган таклифларнинг 25 фоизи ички йўллар билан боғлиқ». Шавкат Мирзиёев йўллар сифатини яхшилаш топшириғини берди
- Тошкентда 250 км цемент-бетон қопламали йўллар қуриш учун 1,2 трлн сўм йўналтирилади
Изоҳ (0)