Шавкат Мирзиёев раислигида 8 апрель куни Саховат, Мурувват ва Меҳрибонлик уйлари ҳамда махсус мактаб интернатлари фаолияти бўйича видеоселектор йиғилиши бўлиб ўтмоқда, деб хабар берди «Дарё» мухбири.
Қайд этилишича, президент барча ҳокимлар ўз ҳудудидаги ҳар бир тиббий-ижтимоий ташкилотда қурилиш-таъмирлаш ва жиҳозлаш ишларини ўз муддатида, сифатли бажариш, шунингдек, уларда зарур шарт-шароитлар яратиш учун шахсан жавоб бериши ҳақида гапирган.
«Масалан, Тошкент шаҳар ҳокимлиги 102-сон заиф эшитувчи болаларга ихтисослашган мактаб-интернат биноларининг фасади, ошхонаси ва технология хоналарини таъмирлаш, спорт комплекси ва ишлаб чиқариш устахонаси ташкил этиш бўйича ишларни жорий йилда бажариши лозим. Бунга маҳаллий бюджетнинг қўшимча даромадлари ҳисобидан 12 миллиард сўм маблағ талаб этилади.
«Шу ўринда эътиборингизни бир масалага қаратмоқчиман. Мутахассислар фикрига кўра, агар барча янги туғилган чақалоқларнинг эшитиш қобилиятини скрининг қиладиган бўлсак, вақтида зарур чораларни кўриш орқали, эшитиш ногиронлигини 60 фоизга камайтириш мумкин экан. Шуни ҳисобга олиб, ССВ бир ой муддатда барча туғруқхоналарни эшитишни скрининг текшируви ускуналари билан жиҳозлаш ва эшитиш ногиронлигини камайтириш бўйича Ҳукумат қарори лойиҳасини кирицин», — деди президент.
Изоҳ (0)