Шавкат Мирзиёев раислигида 8 апрель куни Саховат, Мурувват ва Меҳрибонлик уйлари ҳамда махсус мактаб интернатлари фаолияти бўйича видеоселектор йиғилиши бўлиб ўтмоқда, деб хабар берди «Дарё» мухбири.
Давлат раҳбари масъулларга 2022 йилда имконияти чекланган болалар ва катталарни зарур жиҳозлар билан таъминлаш мақсадида Тиббий-ижтимоий хизматлар агентлигига 31 миллиард сўм маблағлар ажратиш бўйича топшириқ берди. Бунда:
- болалар серебрал фалажи, умуртқа поғонаси касал бўлган шахсларда мустақил юриш функцияларини қайта тиклаш учун 20 дона «Экзо-скелет» ускунаси;
- 880 нафар ногиронлиги бўлган шахсларга замонавий пультли аравачалар;
- кўзи ожиз болалар ва катталар учун 1 минг 800 дона овозли термометр, 2 минг дона овозли тонометр, 2 минг дона Брайл алифбоси бўйича ёзув мосламалари;
- ногиронлиги бўлган шахслар фавқулодда вазиятларга тушганда уларга тезкор ёрдам кўрсатиш учун 6 мингта махсус функцияларга эга «Smart соат»лар, шунингдек етарли миқдорда эшитиш мосламалари харид қилиш назарда тутилади.
Президент масъулларга «Ижтимоий хизмат» электрон платформасини 1 майга қадар ишга тушириш бўйича топшириқ берди.
Мавзуга доир:
- «2021 йилда ногиронлиги бўлган 900 нафар бола протез-ортопедия мосламалари билан таъминланган» — Шавкат Мирзиёев
- «2022 йилда барча тиббий-ижтимоий муассасаларни қурилиш-таъмирлаш ва жиҳозлашга 227 миллиард сўм ажратилади» — президент
- Ўзбекистондаги барча туғуруқхоналар эшитишни скрининг текширувчи ускуналар билан жиҳозланади
Изоҳ (0)