«Қизилқум» бош директори лавозимида ишлаб келган Ҳамиджон Актамов 18 март куни ўз аризасига кўра ишдан кетган, дея маълум қилмоқда ПФЛ. Клуб бу ҳақида ПФЛга маълумот бермагани учун жазога тортилади.
«Қизилқум» Актамовнинг кетганини орадан 18 кун ўтиб — 5 апрель санасида маълум қилган. ПФЛ бунга муносабат билдирди.
«2022 йилги мавсумда Ўзбекистон Профессионал футбол лигаси томонидан ўтказиладиган мусобақалар регламенти»нинг 8.4-бандида клуб ўз расмийси билан тузилган меҳнат шартномасини бекор қилса, ПФЛ уч кун ичида бу ҳақда ёзма равишда огоҳлантирилиши ҳамда озод этилган шахс лицензияси ПФЛга топширилиши лозим экани кўрсатилган. Шунингдек, «Лицензиялаш регламенти»нинг П.14 мезони 3-бандида шундай ёзилган: «Лицензия талабгори лавозимнинг бўшаб қолганлиги ва ушбу лавозимда янги мутахассис иш бошлагани тўғрисида кўпи билан етти иш куни ичида ПФЛни хабардор қилиши зарур».Маълумот учун, «Қизилқум» футбол клуби ПФЛга тақдим этган хатида Ҳамиджон Актамовнинг спорт ишлари бўйича ўринбосари Алишер Холиқов директор вазифасини бажараётганини қайд этган.Шунга қарамай, «Қизилқум» на ўз расмий саҳифаларида ва на хат орқали бу ҳақда расмий маълумот тақдим этди. Шундан келиб чиқиб, «Қизилқум» футбол клуби жаримага тортилади.
ПФЛ расмий баёноти
Ҳамиджон Актамов 2017 йилдан буён «Қизилқум» бош мураббийи сифатида, 2022 йил январь ойидан бошлаб директор лавозимида фаолият юритиб келаётган эди.
Изоҳ (0)