Ярим ҳимоячи Эден Азар ёзда «Реал»ни тарк этиши мумкин.
АS нашрининг хабарига кўра, мадридликлар футболчининг «Челси»даги йилларидек юқори формада бўлишини хоҳлайди. Лекин Килиан Мбаппе жамоага олиб келинса, Азар етарлича ўйин амалиётига эга бўла олмайди. Шунинг учун раҳбарият бельгияликни ижарага бериб юбормоқчи.
Агар Эден бошқа жамоада ишончли ҳаракат қилса, «Реал» унинг сотуви борасида қарор қабул қилади.
Шунингдек, испан клуби маошларни қисқартишни истамоқда. 31 ёшли Азар йилига 15 миллион евро атрофида маош олади. Футболчини маошини тўлиқ тўлаб бериш шарти билан ижарага олиши мумкин бўлган жамоалар кам бўлиши кутилмоқда.
Эденнинг ўзи эса мундиалга қадар формада бўлиб туриш учун имконият берадиган клубга ўтишга ҳаракат қилиши мумкин.
Аввалроқ, бельгиялик футболчи жароҳати сабаб мавсумнинг қолган қисмини ўтказиб юбориши ҳақида маълумот берилганди. «Реал» ёзда деярли 10 нафар футболчиси билан хайрлашмоқчи эканлиги, уларнинг орасида Эден Азар ҳам борлиги хабар қилинганди.
Эден Азар 2021/22 йилги мавсум Ла Лигада 17 та ўйинда майдонга тушиб, битта голли узатмага муаллифлик қилди.
Изоҳ (0)