Футбол бўйича Европа Чемпионлар Лигаси чорак финал босқичидан ўрин олган икки учрашув 5 апрель, сешанба куни бўлиб ўтди.
«Манчестер Сити» ўз майдонида «Атлетико» билан баҳс олиб борди. Учрашувнинг 70-дақиқасида Кевин де Брюйне гол уриб, «шаҳарликлар»нинг ғалабасини таъминлади.
Шу тариқа Пеп Гвардиола шогирдлари жавоб ўйини олдидан имкониятларини ошириб олди.
«Ливерпуль» Португалияда «Бенфика» меҳмони бўлди. Учрашувнинг 17-дақиқасида Ибраҳима Конате ҳисобни очди. 34-дақиқасида Садио Мане мерсисайдликларнинг иккинчи голига муаллифлик қилди. 49-дақиқада Дарвин Нунез ҳисобни қисқартирди. 87-дақиқада Луис Диас гол урди ва «Ливерпуль»нинг ишончли ғалабасига ҳисса қўшди.
Ҳар иккала қарама-қаршиликнинг жавоб баҳслари 14 апрель санасига белгиланган.
Европа Чемпионлар Лигаси
1/4 финал, дастлабки баҳслар
5 апрель, сешанба
«Манчестер Сити» Англия – «Атлетико» Испания 1:0
Гол: 1:0 – 70 де Брюйне.«Манчестер Сити»: Эдерсон, Жоау Канселу, Стоунз, Ляпорт, Аке, Гундўған (Грилиш, 68), де Брюйне, Родри, Бернарду Сильва, Стерлинг (Габриэль Жезус, 68), Марез (Фоден, 68).
«Атлетико»: Облак, Врсалко, Савич, Фелипе, Рейнилду, Лоди, Коке (де Пауль, 60), Кондогбиа, Льоренте (Матеус Куня, 60), Гризманн (Корреа, 60), Жоау Феликс (Лемар, 81).
Огоҳлантиришлар: де Пауль (69), Корреа (83), Габриэль Жезус (85), Врсалко (90), Эдерсон (90).
«Бенфика» Португалия – «Ливерпуль» Англия 1:3
Голи: 0:1 – 17 Конате, 0:2 – 34 Мане, 1:2 – 49 Нуньес, 1:3 – 87 Диас.«Бенфика»: Влаҳодимос, Жилберто, Вертонген, Отаменди, Грималдо, Таарабт (Мейте, 70), Рафа Сильва, Вайгль, Эвертон (Яремчук, 82), Нуньес, Гонсалу Рамуш (Жоау Мариу, 86).
«Ливерпуль»: Алиссон, Александер-Арнольд (Гомес, 89), ван Дейк, Конате, Робертсон, Тиаго Алькантара (Ҳендерсон, 61), Фабиньо, Кейта (Милнер, 89), Салоҳ (Диогу Жота, 61), Мане (Фирмино, 61), Диас.
Огоҳлантиришлар: Тиаго Алькантара (58), Таарабт (63).
Изоҳ (0)