Шимолий ва Марказий Америка ҳамда Кариб денгизи мамлакатлари футбол конфедерацияси (КОНКАКАФ) минтақанинг 2021 йилдаги энг яхши футболчиси номини эълон қилди.
«Бавария» клуби ва Канада терма жамоаси ҳимоячиси Альфонсо Дэвис ушбу мукофотга лойиқ кўрилди. КОНКАКАФ миллий ассоциациясига аъзо бўлган 41 мамлакатдан мураббий, футболчи, журналист ва мухлислар овоз беришда иштирок этди.
Дэвисдан ташқари ушбу мукофот учун Микаил Антонио («Вест Ҳэм», Ямайка), Жонатан Дэвид («Лилл», Канада), Ирвинг Лосано («Наполи», Мексика), Уэстон Маккенни («Ювентус», АҚШ) ва Кристиан Пулишич («Челси», АҚШ) каби футболчилар кураш олиб борганди.
Аввалроқ, Канада 36 йил деганда илк бор мундиал йўлланмасини қўлга киритганди.
Изоҳ (0)