Австралия, АҚШ ва Буюк Британия AUKUS мудофаа бўйича ҳамкорлик келишуви доирасида гипертовушли қурол яратиш юзасидан қўшма ишларни бошлайди, дейилади Буюк Британия ҳукуматининг расмий сайтида эълон қилинган ушбу мамлакатлар раҳбарларининг уч томонлама баёнотида.
Шунингдек, баёнотда томонларнинг гипертовушли ҳамда радиоэлектрон қуролларга қарши воситаларни яратиш устида иш бошлайди. Бундан ташқари Вашингтон, Лондон ва Канберра мудофаа инновациялари соҳасида ахборот алмашинуви ва ҳамкорликни кенгайтиради.
«Мазкур чора-тадбирлар киберсоҳа, сунъий интеллект, квант технологиялари ва сувости аппаратларининг қўшимча имкониятлари борасидаги ҳамкорлигимизни яна чуқурлаштириш мақсадида режалаштирилган», — дейилади баёнотда.
Мамлакатлар ушбу йўналишдаги ишларга бошқа ҳамкорлар ва иттифоқчиларни ҳам жалб қилиниши ҳақида ваъда берган.
АҚШ президенти Жо Байден, Австралия бош вазири Скотт Моррисон ва Буюк Британия бош вазири Борис Жонсон гипертовушли қурол яратиш борасида ҳамкорликдаги ишларни бошлаши хусусида Financial Times нашри хабар берган. Газета мамлакатларнинг ушбу йўл билан Хитойнинг Ҳинд-Тинч океани минтақасида ўсиб бораётган таъсирини камайтиришни мақсад қилгани ҳақида ёзган.
Аввал АҚШ ҳукумати бир неча марта Хитой томонидан гипертовушли қурол ишлаб чиқарилаётганидан хавотирда эканини билдирган. 2021 йил кузида Financial Times Пекин яратаётган ушбу қурол АҚШга номаълум технологиялар воситасида тайёрланаётганини баён қилган. Газета Хитой учувчи аппарати ёруғлик тезлигидан беш баравар кучли тезликка эга экани, бундай синов ҳали ҳеч бир мамлакатда кузатилмаганини қайд этган. Экспертлар Хитойнинг гипертовушли қурол масаласида Пентагондан анча олдинга силжиганини билдирган.
AUKUS 2021 йил сентябрь ойида тузилган. Австралия альянс доирасида ўз сувости атом флотини тузишни, бунда сувости кемалари оддий қуроллар эмас, балки ядро аслаҳаларига эга бўлишини режа қилган.
Изоҳ (0)