«Роскомнадзор» Wikipedia онлайн-энциклопедия маъмуриятидан Россия Бош прокуратура томонидан Украинадаги урушга оид «ишончсиз маълумотлар» дея топилга материалларни ўчириб ташлашни талаб қилди.
Идорадагиларнинг таъкидлашича, Wikipedia муаллифлари қасддан ўз материллари орқали фойдаланувчиларга ёлғон маълумот бериб, «воқеаларнинг фақат русларга қарши талқинини» тарғиб қилмоқда.
«Сўнгги вақтларда Wikipedia Украинадаги махсус ҳарбий операция ва Россия Қуролли кучларининг ҳаракатларига оид ишончсиз материалларни оммавий жойлаштиришни бошлади. Wikipedia руслар учун доимий ахборот ҳужумининг янги чизиғига айланди. Wikipedia’га жойлаштирилган мақолаларнинг муаллифлари қасддан интернет-ресурс фойдаланувчиларга ёлғон маълумотларни тақдим этмоқда. Ресурсда эълон қилинган мақолаларда воқеаларнинг фақат Россияга қарши талқини тарғибот қилинмоқда», — дейилади хабарда.
Бундан олдин «Русская Википедиа»нинг Twitter’даги саҳифаси орқали «Роскомнадзор» бирданига бешта мақолани ўчириб ташлашни талаб қилаётгани маълум қилинганди: «Киев учун уруш (2022)», «Россиянинг Украинадаги босқинчилиги вақтидаги ҳарбий жинояти», «Мариуполдаги шифохонанинг ўққа тутилиши», «Вайрон бўлган Мариупол театри (2022)» ҳамда «Бучадаги қирғин». Айнан қайси маълумотни ўчириш зарурлигига аниқлик киритилмаган.
Россиянинг Украинага қарши махсус ҳарбий операцияи бошланганидан бери «Роскомнадзор» Wikipedia’дан бир неча бор Украинага оид маълумотларни ўчириб ташлашни талаб қилди, акс ҳолда 4 миллион рублгача жарималар билан таҳдид қилган. Идора ҳозирга қадар Бош прокуратура томонидан Россия ҳарбийларининг ҳаракатларига оид фейк хабарларни тарқатиш дея баҳоланган 800 дан ортиқ ресурсни блоклаган.
Аввалроқ Россияда Facebook, Twitter, BBC ва қатор ОАВлар қисман блоклангани ҳақида хабар берилган эди. «Роскомнадзор» буни Украинадаги ҳарбий операция тўғрисида ёлғон маълумотлар тарқалаётгани билан изоҳлаган. Кейинроқ YouTube Россияда монетизацияни вақтинча тўхтатди, март охирларида эса суд россияликларга Facebook ва Instagram’дан фойдаланишга рухсат берди.
Изоҳ (0)