Avstraliya, AQSH va Buyuk Britaniya AUKUS mudofaa bo‘yicha hamkorlik kelishuvi doirasida gipertovushli qurol yaratish yuzasidan qo‘shma ishlarni boshlaydi, deyiladi Buyuk Britaniya hukumatining rasmiy saytida e’lon qilingan ushbu mamlakatlar rahbarlarining uch tomonlama bayonotida.
Shuningdek, bayonotda tomonlarning gipertovushli hamda radioelektron qurollarga qarshi vositalarni yaratish ustida ish boshlaydi. Bundan tashqari Vashington, London va Kanberra mudofaa innovatsiyalari sohasida axborot almashinuvi va hamkorlikni kengaytiradi.
“Mazkur chora-tadbirlar kibersoha, sun’iy intellekt, kvant texnologiyalari va suvosti apparatlarining qo‘shimcha imkoniyatlari borasidagi hamkorligimizni yana chuqurlashtirish maqsadida rejalashtirilgan”, — deyiladi bayonotda.
Mamlakatlar ushbu yo‘nalishdagi ishlarga boshqa hamkorlar va ittifoqchilarni ham jalb qilinishi haqida va’da bergan.
AQSH prezidenti Jo Bayden, Avstraliya bosh vaziri Skott Morrison va Buyuk Britaniya bosh vaziri Boris Jonson gipertovushli qurol yaratish borasida hamkorlikdagi ishlarni boshlashi xususida Financial Times nashri xabar bergan. Gazeta mamlakatlarning ushbu yo‘l bilan Xitoyning Hind-Tinch okeani mintaqasida o‘sib borayotgan ta’sirini kamaytirishni maqsad qilgani haqida yozgan.
Avval AQSH hukumati bir necha marta Xitoy tomonidan gipertovushli qurol ishlab chiqarilayotganidan xavotirda ekanini bildirgan. 2021-yil kuzida Financial Times Pekin yaratayotgan ushbu qurol AQSHga noma’lum texnologiyalar vositasida tayyorlanayotganini bayon qilgan. Gazeta Xitoy uchuvchi apparati yorug‘lik tezligidan besh baravar kuchli tezlikka ega ekani, bunday sinov hali hech bir mamlakatda kuzatilmaganini qayd etgan. Ekspertlar Xitoyning gipertovushli qurol masalasida Pentagondan ancha oldinga siljiganini bildirgan.
AUKUS 2021-yil sentabr oyida tuzilgan. Avstraliya alyans doirasida o‘z suvosti atom flotini tuzishni, bunda suvosti kemalari oddiy qurollar emas, balki yadro aslahalariga ega bo‘lishini reja qilgan.
Izoh (0)