Украинадаги урушнинг қирқинчи кунида Бучада янада кўпроқ тинч аҳолининг жасадлари топилгани ҳақида хабарлар берилди. New York Times газетаси шаҳарнинг сунъий йўлдошдан олинган тасвирларини эълон қилди, унда Россия Мудофаа вазирлиги баёнотидан фарқли ўлароқ, шаҳар ҳали рус қўшинлари назоратида бўлган пайтда кўчаларда жасадлар пайдо бўлганини кўриш мумкин. Буча воқеаларидан кейин Европа Иттифоқи Россияга қарши янги санкциялар пакетини ишлаб чиқишга киришди. Meduza 4 апрель, урушнинг қирқинчи кунидан асосий фотосуратларини жамлади.
Черниговдаги вайрон қилинган бинолар. Шаҳар мэрининг сўзларига кўра, Черниговдаги биноларнинг 70 фоизга яқини шикастланган. Бу сўнгги ҳафтада Черниговдан олинган ва ахборот агентликларида эълон қилинган илк фотосурат.Фото: EPA
Чеченистон Республикасидан келган «Ахмат» махсус тезкор бўлинмаси ҳарбий хизматчиси Мариуполдаги бино томида.Фото: «ТАСС»
Украина президенти Владимир Зеленскийнинг Буча шаҳрига ташрифи. Россиялик ҳарбийлар кетгач, бу шаҳарда кўплаб тинч аҳоли вакилларининг жасадлари топилди.Фото: AFP
Олти ёшли бола очликдан вафот этган ва ҳовлига кўмилган онасининг қабрига қараб турибди. БучаФото: AP Photo
Мотижинлик аёл ўлдириб, қудуққа ташлаб юборилган турмуш ўртоғининг жасадини таниди.Фото: AP Photo
Киевда украиналик фотожурналист Макс Левиннинг дафн маросими бўлиб ўтмоқда. Левиннинг жасади 1 апрель куни Гута Межигорская қишлоғида топилган. Украина Бош прокуратураси журналист россиялик ҳарбийлар томонидан ўлдирилганини маълум қилди.Фото: AFP
Львов политехника миллий университетининг спорт залига жойлаштирилган қочқинлар.Фото: AFP
Спорт залидаги қочқинлар.Фото: AFP
Украина ҳудудий мудофааси аъзоси Харьков чеккасидаги постда.Фото: Getty Images
Изоҳ (0)