Бугун,

  • USD 11014.01
  • RUB 191.8
  • EUR 10674.78

Уддабурон бекажонлар томонидан тавсия этилган оддий усуллар кийимга ғамхўрлик қилишни осонлаштиради.

Фото: «Домашний очаг»

Фото: «Домашний очаг»

Алоҳида ювиш фақатгина рангли ва оқ кийимларгагина тегишли эмас

Енгил футболка ҳамда джинси кийимларни ҳам бирга ювиб бўлмайди. Шундагина улар эгасига узоқроқ хизмат қилади. Қолаверса, бир хил материалли кийимлар қуритиш режимига қўйилса, улар тезроқ қурийди.

Джинси кийимларни ички томон билан ювиш керак

Джинсиларни ички томони билан ювиб, умрини узайтириш мумкин. Натижада улар ювилганда камроқ эскиради.

Сирка қўшиш мумкин

Аввал уни бирор эскироқ кийимда синаб кўриш тавсия этилади. Кир ювиш машинасидаги чайқаш мосламасига оқ шароб сиркаси қўшилади. Ювилгандан кейин нарсалардан сирканинг ҳиди келмайди, лекин рангли нарсалар янада ёрқинроқ порлайди ва оқ нарсалар янгидек кўринади. Шунингдек, бирор кийим узоқ вақт давомида шкафда қолса ва чириётган ҳид келаётган бўлса, бу усул ҳидни бартараф этади.

Кийим ювилгандан кейин унда доғ пайдо бўлса, уни ҳеч қандай ҳолатда дазмол ёки автоматик қуритгич билан тузатиб бўлмайди. Уни табиий равишда қуритиб, кейин қайта ювиш керак.

Нафис либослар

Нафис ёки безакли кофтани қўлда ювганда, чайиш ва сиқиш пайтида унга путур етказиш хавфи туғилади. Сувда эса ўз оғирлиги билан чўзилиб кетади. Шунинг учун бу каби кийимларни тўғридан-тўғри сув остида кукун сепилган ҳолда ювиш керак. Бундан ташқари, кир ювиш идишида махсус тешиклар бўлса, уни сиқиб олиш осонлашади.

Тоза кийимлар учун алоҳида саватларни ўрнатинг

Одатда кир ювиш хонасида кийимлар учун иккита, балки ундан кўпроқ саватча бўлиши керак. Уларнинг бири тоза, иккинчиси эса ювиладиган кийимлар учун. Қолаверса, оиланинг барча аъзолари учун ҳам алоҳида саватча ажратиш тавсия этилади.

Свитерни илгичга осиш тавсия этилмайди

Оғир трикотаж мато ўз вазнини кўтара олмайди ва илгичда чўзилиб кетади. Шунинг учун улар фақат кийим жавонларида тартибли ҳолда сақланиши керак, натижада улар эгасига узоқроқ хизмат қилади.

Изоҳ
Асосий янгиликлар