Агар дазмол тўсатдан ишламай қолса ёки у-бу нарсани зудлик билан дазмоллаш керак бўлса, янгисини олиш учун дарров дўконга югурмайсиз, албатта. Кийимларни текислашнинг кўплаб усуллари мавжуд.
Иссиқ сув солинган идиш
Тутқичли қозонни (масалан, кострюлка)да сув қайнатинг. Кейин асталик билан сув тўкилиб кетмаслиги учун кийимни кострюлка билан текисланг. Асосийси, идишнинг таги тоза бўлсин, акс ҳолда матода из қолади.
Ҳўл сочиқ
Яна бир самарали усул — ҳўл сочиқ. Кийимни текислаб устига намланган сочиқни қўйинг. Бир соатдан кейин кийимлар анча текисланади.
Соч дазмоли
Соч дазмоли нафақат сочларни жингалак қилади, балки кийимларни текислаши ҳам мумкин. Дазмолни қиздиринг, матони плиталари орасига қўйиб, бир жойда тўхтамасдан юргизинг.
Душ
Душ буғлаш принципи асосида ишлайди. Кийимни ҳаммомга осиб қўйинг ва иссиқ сувни ёқинг. Буғ бир неча дақиқада кийимингизни силлиқлайди, аммо бироз нам бўлади.
Сув ва сирка
Агар тўққиз фоиз сиркани кондиционер ва сув билан тенг нисбатда аралаштирсангиз, дазмолсиз кийим текислайдиган ажойиб воситага эга бўласиз. Уни пуркагичли идишга қуйинг ва кийимингизга сепинг.
Ҳўл кафт
Баъзида ҳўл қўлнинг ўзи ҳам етарли бўлади. Қўлларни ҳўллаб, кийим устидан юргизинг. Майда ғижимлар учун бу усул ишлаши мумкин.
Изоҳ (0)