Итальян ресторани ошпази макарон пишириш бўйича ўз муаллифлик сирлари билан ўртоқлашади.
аl dente’гача олиб борманг
Маълумки, макарон 8 дақиқадан кўп бўлмаган вақт давомида, аl dente даражасига етгунча (озгина пишмаган, аммо еса бўлади) пиширилиши керак. Epicurious пазандалик портали мутахассиси Жейсон Пфайфер аl dente’дан яна бир-икки дақиқа олдин сувни тўкиб ташлашни, сўнгра макаронни соусга қўшиб, бир дақиқа давомида товада пиширишни маслаҳат беради.
Соус билан қозоннинг ўзида аралаштиринг
Агар макаронни ал-дентеъга олиб келишга қарор қилсангиз ҳам, соусни кейинроқ қўшсангиз ҳам, ҳамма нарсани қиздирилган қозонда ёки товада аралаштирган маъқул. Ошпазнинг сўзларига кўра, шундагина макарон соус таъмини яхши ўзлаштиради.
Соусни жуда суюқ қилманг
Пиширилган макарон ўзидан суюқлик чиқаради, шунинг учун соус қуюқ бўлиши муҳим. Яна бир муҳим жиҳат: агар соус шўр бўлса, пишириш пайтида макаронга туз қўшмаслик керак.
Тез-тез аралаштиринг
Пишириш жараёнида ҳам (макарон бир-бирига ёпишиб қолмаслиги учун), соус қўшганда ҳам макаронни тез-тез аралаштиринг. Ингредиентларни қанчалик кўп аралаштирсангиз, таъми шунчалик уйғун бўлади. Аралаштириш учун Жейсон Пфайфер резина куракча ёки катта металл қошиқдан фойдаланишни тавсия қилади.
Сариёғ қўшинг
Пиширгандан сўнг макаронга қўшилган кичик сариёғ бўлаги уни майин ва таъмини бой қилади, хамири эса янада нозик бўлади.
Якуний жараённи унутманг
Майда тўғралган янги кўкатлар, майдаланган қалампир, қовурилган нон бўлаклари, қирғичдан чиқарилган пишлоқ — оддий макаронга лаззат ва эстетик кўриниш қўшишнинг кўплаб усуллари мавжуд.
Изоҳ (0)