Машҳурлар қизил йўлак, концерт ва кино премьераларда иштирок этиш учун ҳар доим ўз образларининг ҳар бир элементига эътиборли бўлади. Кўпинча уларнинг либослари, безаклари, тақинчоқлари ниманидир «сўзлайди». Масалан, «Матрица» фильмининг юлдузи картинанинг охирги қисми премьерасига ҳаммага таниш бўлган кодли либосда келган; Кейт Миддлтон шаҳзода Филиппнинг хотираси ҳурмати учун махсус пальто моделини танлади; Адел ўзининг зираклари билан янги ҳаётнинг бошланишини белгилади.
Керри-Энн Мосс
«Матрица» фильмлар сериясида Тринити ролини ижро этган Керри-Энн Мосс фильм премьерасида нафис либосда чиқди. Актрисанинг кўйлаги шунчаки чиройли каштадўзлик эмас эди. Образда «Матрица»нинг рамзий кодини тақлид қилиш учун кўйлакнинг этак қисми яшил ва кумуш рангли пистонлар билан безатилган.
Меган Маркл
Меган Маркл 2021 йил май ойида Global Citizen хайрия концертида иштирок этди ва унда нутқ сўзлади. Тадбир учун герцогиня гул, зирак, соат, билагузук ва маржонлардан иборат қизил кўйлакли образни танлади.
Марклнинг заргарлик буюмларидан бири оддий эмас, балки қандайдир маънони англатар эди. Меганнинг бўйнида феминистик ҳаракат белгиси шаклидаги маржонда сиқилган мушт, кураш ва қаршилик, айлана ичидаги кўзгу Венера – аёл рамзи сифатида тасвирланган.
Спайк Ли
«Оскар» совриндори ва баскетбол ишқибози Спайк Ли 92-Оскар мукофотини топшириш маросимига Lakers клубидан илҳомланган ҳолда бинафшаранг костюмда келди. Режиссёрнинг костюмида тилларанг безаклар ҳамда 2 ва 4 рақамлари нақшланган эди. Бу кўриниш Лос-Анжелес Lakers клубининг 24-рақамни кийган афсонавий ўйинчи Коби Брайантга бўлган ҳурмат эди.
Кейт Миддлтон
Декабрь ойида Кейт Миддлтон хайрия концертида халқ олдига қизил бантли нафис кўйлак-пальтода чиқди. Албатта, танлов бирон бир сабабга кўра бўлган, худди шу пальто, лекин қора рангдагисини, шаҳзода Филипп билан видолашув пайтида герцогиня кийган эди. Бу билан Кейт оилавий қадриятлар муҳимлигини таъкидлади ва шаҳзода Филипп оиласининг қалбида абадий қолишини эслатди.
Хоакин Феникс
«Жокер» фильмидаги бош роли учун «Олтин глобус»ни қўлга киритган актёр Хоакин Феникс Stella McCartney либосида қизил йўлакка чиқди. Маросимдан сўнг дизайнер ўзининг Twitter саҳифасида Фениксни мукофот билан табриклади ва актёр 2020 йилги мукофотлар мавсумининг барчасида ҳам бу костюмни кийишини айтди.
Хоакин Феникс ва унинг дизайнери Stella McCartney кийим-кечакларнинг ҳаддан ташқари кўп ишлаб чиқарилишининг атроф-муҳитга салбий таъсири муаммосига эътибор қаратиш учун шундай қилишга қарор қилди.
Элизабет Тэйлор
1992 йилда Элизабет Тэйлор «Оскар» маросимида жуда катта таассурот қолдирган кичик аксессуар – қизил тасма билан чиқди. У энг яхши кино мукофоти билан тақдирланган кечада одамлар унинг ажойиб тақинчоқлари ва ташқи кўриниши ҳақида эмас, биринчи навбатда унинг оқ либосига тақилган қизил тасма ҳақида гапириб, бутун дунё эътиборини ОИТСга қарши курашга қаратди.
Адель
Аделнинг «Адель билан оқшом» дастуридаги либослари рамзий маънога эга эди. Қўшиқларни ижро этиш пайтида хонанда либосини алмаштирди ва қўлида Лос-Анжелес татуировкаси ва Сатурн сайёраси кўринишидаги зиракларни тақиб олди.
Аделнинг сўзларига кўра, татуировка Сатурн Қуёш атрофида тўлиқ айланишини якунлаган ва сайёра биз туғилган пайтдаги ҳолатга қайтган асосий астрологик ҳодисага ишора қилади. Бу ҳаётдаги муҳим дақиқаларнинг бошланиши ва тугашини белгилайди. Бу содир бўлганда, ҳаётимизни тубдан ўзгартириши мумкин. Шундай қилиб, бу қўшиқчи учун янги ҳаётнинг бошланишига бир ишора эди.
Блейк Лайвли
Эҳтимол, кўпчилик эътибор бермагандир, аммо Блейк Лайвли «Оддий илтимос» фильмининг премьерасидаги образ у ўйнаган қаҳрамоннинг услубига тўлиқ мос келади. Деярли бутун фильм давомида бош қаҳрамон ҳам фақат шим ва костюм кийган.
Изоҳ (0)