Instagram: Ўзбекистонни тарк этмайдиган Юлдуз Усмонова, шахсий бизнесини йўлга қўйган Зиёда, турмушидан ажрашган Ситора Алимжонова

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола этамиз.

Хонанда Зиёда ўз кузатувчиларига янги бизнесни йўлга қўйганини маълум қилди. У «Ziyo Cоllection» бренди остида аёллар ва қизалоқларга кийим тикиб сотишни йўлга қўйди.

Зарина Низомиддинова 29 март куни 33 ёшни қарши олди.

Шаҳзода Матчонова мухлисларига саёҳатдан кўриниш берди.

Воҳиджон Исоқовнинг янги клипи Шаҳзода Муҳаммедованинг хонадонида суратга олинмоқда. Клипда бош ролларни актриса, унинг турмуш ўртоғи ҳамда қизи ижро этмоқда.

Гулчеҳра Эшонқулова турмуш ўртоғи билан тушган суратини саҳифасига жойлади.

Феруза Норматова рўмолини муҳокама қилаётган кузатувчиларига мурожаат йўллаб, ҳаммага ўз ҳаёти билан яшашни тавсия қилди.

Шаҳзода мухлисларига янги сурат билан кўриниш берди.

Шаҳло Зоирова ва Анжела Эсимбетова дугоналарининг туғилган кунига «Кавказ асираси» фильми қаҳрамонлари образида келиб, сюрприз тайёрлади.

Туркиялик хонанда Таркан рафиқаси ва қизи билан тушган суратини саҳифасига жойлади.

Актриса Ситора Алимжонова мухлисларининг саволларига жавоб бераркан, турмуш ўртоғи билан ажрашганини айтиб ўтди ҳамда бошқа бу мавзуда савол бермасликни сўради.

Ижтимоий тармоқларда Юлдуз Усмонованинг Ўзбекистонни тарк этаётгани ҳақида хабарлар тарқалди. Халқ артисти ушбу гап-сўзлар асоссиз эканлиги, ҳеч қаерга кетмаётганлигини маълум қилди.