Ўзбекистонда балиқчилик тармоғида жами 4 мингдан зиёд балиқчилик хўжалиги фаолият юритмоқда. Бу ҳақда Қишлоқ хўжалиги вазирлиги хабар берди.
Республикада 50 минг гектарга яқин сунъий ва 547 минг гектар табиий сув ҳавзалари мавжуд.
Сўнгги йилларда балиқнинг 10 тури иқлимлаштирилиб, уларни саноат ишлаб чиқариш йўлга қўйилди (венгер ва ветьнам карплари, япон кояси, форел, лосось, корюшка, осетр, тилапия, судак, африка лаққа балиғи).
2021 йилда 340 млн долларлик 1330 та янги лойиҳа амалга оширилди, соҳага жалб этилган хорижий инвестициялар 29 млн долларни ташкил этди. Бунинг натижасида охирги беш йил ичида мамлакатда балиқ етиштириш ҳажми уч баравар ошди.
2015 йилда балиқ етиштириш 59,9 минг тоннани ташкил этган бўлса, 2021 йилда бу кўрсаткич 173,9 минг тоннага етди.
Аввалроқ Ўзбекистонда 2021 йилда қанча балиқ овлангани маълум қилинган эди.
Изоҳ (0)