O‘zbekistonda baliqchilik tarmog‘ida jami 4 mingdan ziyod baliqchilik xo‘jaligi faoliyat yuritmoqda. Bu haqda Qishloq xo‘jaligi vazirligi xabar berdi.
Respublikada 50 ming gektarga yaqin sun’iy va 547 ming gektar tabiiy suv havzalari mavjud.
So‘nggi yillarda baliqning 10 turi iqlimlashtirilib, ularni sanoat ishlab chiqarish yo‘lga qo‘yildi (venger va vetnam karplari, yapon koyasi, forel, losos, koryushka, osetr, tilapiya, sudak, afrika laqqa balig‘i).
2021-yilda 340 mln dollarlik 1330 ta yangi loyiha amalga oshirildi, sohaga jalb etilgan xorijiy investitsiyalar 29 mln dollarni tashkil etdi. Buning natijasida oxirgi besh yil ichida mamlakatda baliq yetishtirish hajmi uch baravar oshdi.
2015-yilda baliq yetishtirish 59,9 ming tonnani tashkil etgan bo‘lsa, 2021-yilda bu ko‘rsatkich 173,9 ming tonnaga yetdi.
Avvalroq O‘zbekistonda 2021-yilda qancha baliq ovlangani ma’lum qilingan edi.
Izoh (0)