Бугун,

  • USD 11095.31
  • RUB 173.84
  • EUR 10772.44

Ўзбекистон ўтган ҳафта трансафғон темир йўлини қуришни бошлади, деб хабар беради Покистоннинг The News International нашри.

Фото: Ўзбекистон Транспорт вазирлиги

Фото: Ўзбекистон Транспорт вазирлиги

Марказий Осиёни Покистон портлари билан боғловчи магистрал лойиҳа 5 миллиард долларга баҳоланмоқда. Унинг ёрдамида минтақадаги товарлар тез ва арзон дунё океанларига чиқиб бора олади.

Ўзбекистон экспорт ва импорт юкларининг Шарқий Осиё давлатларидан узлуксиз логистикасини ташкил этиш мақсадида Афғонистон ва Покистоннинг йирик транспорт-логистика компаниялари, Халқаро автомобиль ташувчилари уюшмаси ҳамда транспорт ва божхона идоралари вакиллари иштирокида 26–27 март кунлари Термиз шаҳрида транспорт масалалари бўйича уч томонлама ишчи гуруҳ учрашуви бўлиб ўтган.

Учрашувда Ўзбекистон, Афғонистон ва Покистон давлатлари ҳудуди бўйлаб автомобиль транспортида халқаро юк ташувлари жараёнида юзага келаётган муаммолар ва уларни ҳал этиш масалалари муҳокама этилган.

Spot’нинг Покистон инвестиция бўйича комиссияси раҳбари Муҳаммад Азфар Ахсанга таяниб ёзишича, «Термиз—Мозори Шариф—Кобул—Пешовар темир йўли минтақанинг келажаги учун бурилиш нуқтаси бўлиши мумкин».

Амалдорнинг қўшимча қилишича, Афғонистон қитъанинг қисмлари ўртасидаги кўприк роли туфайли қадимдан «Осиёнинг юраги» деб аталади. Унинг сўзларига кўра, янги лойиҳа мамлакатга Хитойнинг «камар ва йўл лойиҳасига қўшилишига ёрдам беради. Муҳаммад Азфар Ахсан замонавий иқтисодиёт учун транспорт алоқаларининг муҳимлигини қайд этган. Марказий Осиё давлатлари учун жанубий йўналишда савдо алоқалари зарур.

Бундан ташқари, учрашув давомида учта мамлакат бўйлаб юкларни автомобилларда ташиш муаммоси ва уларга ечим топиш масалалари муҳокама қилинган. Покистон орқали юк ташиш шартлари ҳамда ўзаро товар айирбошлаш ҳажмини ошириш масалалари кўриб чиқилган.

Транспорт вазирлигнинг маълум қилишича, учрашув якуни бўйича Покистон ва Афғонистоннинг 7 та компанияси билан ўзаро ҳамкорлик тўғрисида меморандум ва келишувлар имзоланган.

Аввалроқ Ўзбекистонга биринчи марта Покистон ва Афғонистон орқали Ҳиндистондан юклар келтирилгани тўғрисида хабар берилганди. Тижорий юк Ҳиндистоннинг Мумбай шаҳридан йўлга чиққан Покистоннинг Карачи денгиз порти орқали ўтиб, Покистон ва Ўзбекистон ўртасида яқинда имзоланган икки томонлама транзит савдо битимига кўра Ўзбекистонга етказилган.

Изоҳ
Asosiy yangiliklar
Дунё
Украина 2 та аэродромга дронлар билан зарба беришга уринди — Россия Мудофаа вазирлиги
Маҳаллий
Ўзбекистонда ноябрь ойида қанча чақалоқ туғилгани маълум бўлди
Маҳаллий
«Меҳнати кўп бўлса-да, маоши кам, олган пули ҳалол бўлсин». Жамоатчилик электр монтёрларни олқишламоқда