Тошкент шаҳри Учтепа туманида тадбиркорнинг мулкини ўзлаштирган савдо агенти аниқланди, деб хабар бермоқда Иқтисодий жиноятларга қарши курашиш департаменти.
Қайд этилишича, Бош прокуратура ҳузуридаги департаментнинг Учтепа туман бўлими томонидан тадбиркорлик субъектларининг ҳуқуқларини ҳимоя қилиш юзасидан терговга қадар текширув ўтказилган. Унда фуқаро Н.У. ва бошқалар олдиндан тил бириктириб, «Г.Г.» МЧЖда савдо агенти вазифасида ишлаган пайтида корхонанинг турли хил тозаловчи кимёвий воситаларини савдо дўконларига етказиб бериш учун қабул қилиб, ушбу маҳсулотларни сотувдан тушган пул маблағларини МЧЖга қайтармагани аниқланган. Улар 267,4 миллион сўмни ўзлаштириш йўли билан талон-торож қилган.
Ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилган. Ҳозирда тергов ҳаракатлари ўтказилмоқда.
Мавзуга доир:
- Сурхондарёда 220 минг долларлик кредит маблағларини ўзлаштирган МЧЖ раҳбари аниқланди
- Тошкентда ўзи ишлайдиган корхонанинг 160 млн сўмдан ортиқ маблағини талон-торож қилган бош ҳисобчи ушланди
- Тошкент вилоятида акасининг номига корхона очиб, 754 млн сўм кредит маблағини ўзлаштирган банк бош ҳисобчиси ушланди
Изоҳ (0)