O‘zbekiston o‘tgan hafta transafg‘on temiryo‘lini qurishni boshladi, deb xabar beradi Pokistonning The News International nashri.
Markaziy Osiyoni Pokiston portlari bilan bog‘lovchi magistral loyiha 5 milliard dollarga baholanmoqda. Uning yordamida mintaqadagi tovarlar tez va arzon dunyo okeanlariga chiqib bora oladi.
O‘zbekiston eksport va import yuklarining Sharqiy Osiyo davlatlaridan uzluksiz logistikasini tashkil etish maqsadida Afg‘oniston va Pokistonning yirik transport-logistika kompaniyalari, Xalqaro avtomobil tashuvchilari uyushmasi hamda transport va bojxona idoralari vakillari ishtirokida 26–27-mart kunlari Termiz shahrida transport masalalari bo‘yicha uch tomonlama ishchi guruh uchrashuvi bo‘lib o‘tgan.
Uchrashuvda O‘zbekiston, Afg‘oniston va Pokiston davlatlari hududi bo‘ylab avtomobil transportida xalqaro yuk tashuvlari jarayonida yuzaga kelayotgan muammolar va ularni hal etish masalalari muhokama etilgan.
Amaldorning qo‘shimcha qilishicha, Afg‘oniston qit’aning qismlari o‘rtasidagi ko‘prik roli tufayli qadimdan “Osiyoning yuragi” deb ataladi. Uning so‘zlariga ko‘ra, yangi loyiha mamlakatga Xitoyning “kamar va yo‘l loyihasiga qo‘shilishiga yordam beradi. Muhammad Azfar Axsan zamonaviy iqtisodiyot uchun transport aloqalarining muhimligini qayd etgan. Markaziy Osiyo davlatlari uchun janubiy yo‘nalishda savdo aloqalari zarur.
Bundan tashqari, uchrashuv davomida uchta mamlakat bo‘ylab yuklarni avtomobillarda tashish muammosi va ularga yechim topish masalalari muhokama qilingan. Pokiston orqali yuk tashish shartlari hamda o‘zaro tovar ayirboshlash hajmini oshirish masalalari ko‘rib chiqilgan.
Transport vazirligning ma’lum qilishicha, uchrashuv yakuni bo‘yicha Pokiston va Afg‘onistonning 7 ta kompaniyasi bilan o‘zaro hamkorlik to‘g‘risida memorandum va kelishuvlar imzolangan.
Avvalroq O‘zbekistonga birinchi marta Pokiston va Afg‘oniston orqali Hindistondan yuklar keltirilgani to‘g‘risida xabar berilgandi. Tijoriy yuk Hindistonning Mumbay shahridan yo‘lga chiqqan Pokistonning Karachi dengiz porti orqali o‘tib, Pokiston va O‘zbekiston o‘rtasida yaqinda imzolangan ikki tomonlama tranzit savdo bitimiga ko‘ra O‘zbekistonga yetkazilgan.
Izoh (0)