«Манчестер Юнайтед» Маурисио Почеттино билан музокара ўтказди

«ПСЖ» бош мураббийи Маурисио Почеттино «Манчестер Юнайтед» билан музокара ўтказди.

Get French Football News нашрининг хабарига кўра, инглиз клуби вакиллари аргентиналик мутахассис билан учрашган.

Почеттино манкунианликлар бош мураббийлиги учун асосий номзодлардан бири бўлиб турибди.

«Қизил иблислар» раҳбарияти Почеттинонинг «ПСЖ»даги муаммоларига аҳамият бермаяпти, улар мураббийнинг «Тоттенҳэм»даги фаолиятини юқори баҳолайди.

Аввалроқ, «Манчестер Юнайтед» раҳбарияти апрель ойида янги мураббий олиб келмоқчилиги, Эрик тен Ҳаг («Аякс») ва Маурисио Почеттино («ПСЖ») асосий номзод бўлиб тургани хабар қилинганди. «ПСЖ» эса Почеттино ўрнига «Атлетико» бош мураббийи Диего Симеонени олиб келиши мумкинлиги ҳақида хабар берилганди.