«Барселона» президенти Хоан Лапорта Лионель Мессини Каталонияга қайтариш вариантини кўриб чиқмаётганини айтиб ўтди.
«Лео ва унинг атрофидагилардан ҳеч қандай хат олмадим. Айни дамда уни ортга қайтариш вариантини кўриб чиқмаяпмиз. Биз ёш жамоа қуряпмиз ва у эндигина ўз ишини бошлади.
Лео бу Лео, у дунёнинг энг яхши футболчиси, лекин энди уни ортга қайтармаймиз. Албатта, бу ортга қўйилган қадам бўлмасди», — дея Лапортанинг сўзларини келтиради Diario Sport.
Аввалроқ аргентиналик футболчи «Барселона»га қайтиши мумкинлиги, унинг отаси каталон клуби раҳбарияти билан суҳбатлашгани хабар қилинганди.
Эслатиб ўтамиз, Месси 2021 йилнинг ёзида эркин агент мақомида «ПСЖ» сафига ўтган эди. Ҳозирда аргентиналик ҳужумчи Франция чемпионатида 18 та ўйинда майдонга тушиб, 2 та голга муаллифлик қилган. Лионелнинг парижликлар билан шартномаси 2023 йил ёзида ўз ниҳоясига етади.
Изоҳ (0)