Бугун,

  • USD 11095.31
  • RUB 173.84
  • EUR 10772.44

Владирми Путин ва Ражаб Тоййиб Эрдўғон Россия ва Украина делегациясининг навбатдаги учрашувини Истанбулда ўтказишда келишиб олди. Бу ҳақда Туркия президентининг канцелярияси маълум қилди.

Фото: «Дарё» / Мадина Нурман

Фото: «Дарё» / Мадина Нурман

Давлат раҳбарлари телефон орқали мулоқот давомида Россия—Украина можаросини муҳокама қилган. «Суҳбат давомида президенти Эрдўғон ўт очишни тўхтатиш, шунингдек, Россия ва Украина ўртасида тезроқ тинчлик ўрнатиш ва минтақадаги гуманитар вазият яхшилаш зарурлигини таъкидлаган», — дейилади хабарда. Баёнотда қайд этилишича, Туркия «барча имкониятлар билан» вазиятнинг тартибга келишига ёрдам беришга тайёр.

27 март куни Украина делегацияси аъзоси Давид Арахамия Россия томони билан навбатдаги юзма-юз музокаралар 28—30 март кунлари Туркияда бўлиб ўтишини маълум қилди. Россия делегацияси раҳбари Владимир Мединский учрашув 29—30 март кунлари бўлиб ўтишини билдирган, бироқ қаерда ўтказилишига аниқлик киритмаган.

Россия ва Украина вакиллари 28 февраль3 ва 7 март кунлари Беларусда юзма-юз учрашди, шундан сўнг, улар музокараларни видеоформатда давом эттирмоқда. Москва Киевдан Қримни Россия ҳудуди сифатида, Луганск ва Донецк халқ республикалари суверенитетини тан олишни ҳамда ҳеч қандай блокка қўшилмаслик борасидаги нейрал мақомини юридик жиҳатдан мустаҳкамлашни талаб қилмоқда.

Украина талаблари орасида хавфсизлик кафолатлари ва рус қўшинларини мамлакатдан олиб чиқиб кетиш бор. Зеленский Москва билан Қрим, ЛХР ва ДХР масаласида ечим топишга тайёрлигини билдирган. «Буни муҳокама қилишимиз ва у ерда одамлар қандай яшаши бўйича муросага келишимиз мумкин», — деган эди у. Зеленский Россия билан эришилган келишув «тарихий» бўлиши, уларни мамлакат аҳолиси референдумда маъқуллаши кераклигини айтган.

Олдинроқ музокаралар бўйича Россия томони делегацияси раҳбари Владимир Мединский Киев ва Москва музокараларнинг асосий банди — Украинанинг нейтрал мақоми ва НАТОга қўшилмаслик масаласи бўйича «максимал даражада позициясини яқинлаштириш»га муваффақ бўлганини маълум қилганди. Шундан сўнг, у Украина хавфсизлик кафолатлари билан боғлиқ «нюанслар бошланаётганини» таъкидлаган.

Россия—Украина урушига оид тезкор, ишончли янгиликлар ва маълумотларни «Дарё»нинг Live саҳифаси орқали кузатиб боринг → @Daryo_Live

Изоҳ
Asosiy yangiliklar
Маҳаллий
Ўзбекистонда бензин нархларини сунъий оширган АЁҚШларга тегишли чора кўрилиши маълум қилинди
Дунё
Арманистонда 25 минг инсон умрига зомин бўлган зилзила, Япониянинг Перл-Ҳарборга ҳужуми ва Жанубий Корея қамоқхонасида 40 йил ўтирган КХДР фуқароси. Кун хронология...
Спорт
ЖЧ—2022 да барча чорак финал жуфтликлари маълум бўлди