Bugun,

  • USD 11095.31
  • RUB 173.84
  • EUR 10772.44

Ukraina prezidenti Vladimir Zelenskiy Rossiya bilan Qrim masalasida, shuningdek, Donetsk hamda Lugansk Xalq Respublikalari mustaqilligini tan olish masalalarida kelishuv imkoniyatlari mavjudligini ma’lum qildi. U bu haqda ABC News telekanaliga bergan intervyusida aytib o‘tgan. Zelenskiyning jurnalist bilan suhbat davomida aytgan javoblari Ukraina prezidentining rasmiy saytida ukrain tilida keltirilgan.

Foto: 247 News Agency

Foto: 247 News Agency
Men uchun u yerda Ukraina tarkibida bo‘lishni istaydigan odamlarning yashashi juda muhim. Ayni vaqtda Rossiya fuqaroligini olishni istaydiganlarning xayolidan qanday fikrlar o‘tayotgani ham men uchun qiziq. Ammo mazkur masalalarni, jumladan, Qrim masalasidagi kelishuvlarni muhokama qilib olishimiz kerak. Biz Qrimning Rossiya hududi ekanini tan olmaymiz. Rossiya Federatsiyasi ham uni Ukraina hududi deb tan olishi qiyin. Mazkur ikki masala yechimini topishda ichki jamiyatlarimizda isyonlar kuzatilmasligi uchun oqilona qaror qabul qilishni uddalashimiz, ushbu hududlarda yashovchilar, Ukraina fuqarolari qoniqadigan yo‘lni topishimizga ishonaman.

Vladimir Zelenskiy

Zelenskiy yuqorida qayd etilgan muhim masalalarni hal qilish yo‘lida Putinni yana muzokaralarga chaqirdi. Ukraina prezidentining so‘zlariga ko‘ra, uni saylagan xalq urushda taslim bo‘lishga va ultimatumlarga tayyor emas, lekin Rossiya hamda Ukraina Qrim va Donbass kelajagini muhokama qilish mumkin.

Bundan tashqari, Zelenskiy Ukraina qo‘shnilari, qolaversa, AQSh, Fransiya va Germaniya kabi dunyoning yetakchi davlatlari bilan xavfsizlik yuzasidan kollektiv shartnoma imzolashi kerakligini bildirdi. Uning qayd etishicha, bu nafaqat Ukraina, balki Moskva doimiy ravishda bayonot bildiradigan Rossiya uchun ham xavfsizlik kafolatlari bo‘ladi.

NATO haqida ham ko‘p marta gapirganman va omma oldida Rossiyaga – prezident Putinga messej ham berganman: tegishli davlatlarning mamlakatimiz xavfsizligi yuzasidan har qanday kafolatlariga tayyormiz. Rossiya ham ushbu davlatlar qatorida, sababi Rossiya — bizning yaqin qo‘shnimiz.

Vladimir Zelenskiy

Moskva va Kiyev delegatsiyalari Ukrainada urush boshlanganidan beri jami uch marta o‘zaro uchrashdi. Muzokaralarning birinchi raundi – 28-fevralda, 2-raundi 3-martda, 3-raundi esa 7-mart kuni o‘tkazilgan.

Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live

Izoh
Asosiy yangiliklar
Shou-biznes
Qashshoq oilada tug‘ilgan bo‘lsa ham, hayotda o‘z o‘rniga ega bo‘lishni uddalagan Gollivud yulduzlari (foto)
Dunyo
“Stalindan keyingi ikkinchi odam” — Malenkovning hokimiyatdan chetlatilishi, boshi tanasidan judo etilgan Shotlandiya qirolichasi va Kanadada to‘qnashgan ikki poye...
Mahalliy
Turkmaniston gaz yetkazib bermagani uchun O‘zbekiston kompensatsiya talab qilgani rad etildi