25 март куни Нур-Султон шаҳрида мамлакат бош муфтийси Наврўзбай Тағанули раислигида Қозоғистон мусулмонлари идораси президиум йиғилиши ўтказилди. Бу ҳақда қўшни мамлакат Мусулмонлар идораси матбуот хизмати хабар берди.
Йиғилишда Қозоғистон мусулмонлари идораси 2022 йилдаги Рамазон ойи 2 апрелдан бошланиб, 2 майга қадар давом этишини эълон қилган.
Қозоғистон муфтийсининг ўринбосари, шариат ва фатво бўлими бошлиғи Сансизбай Қурбонўғлининг маълум қилишича, Рамазон ойининг бошланишига доир қарор Ўзбекистон ва Қирғизистон муфтиятлари билан келишув асосида қабул қилинган. «Закот ва хайрия» фонди директори Канат Кидирмин муфтийга Рамазон ойида ўтказиладиган хайрия акциялари тўғрисида ҳисобот берган.
Шунингдек, Қозоғистон муфтияти Рамазон ҳайити 2 май санасида нишонланишини маълум қилган.
Эслатиб ўтамиз, 2021 йилда Ўзбекистонда Рамазон ойи 13 апрелдан бошланган, мамлакатдаги 1400 га яқин масжидда Қуръони карим хатм қилинган эди.
Мавзуга доир: «Рамазон ойида Умра нархи ошади» — Мусулмонлар идораси
Изоҳ (0)