Ярим ҳимоячи Пол Погба ва ҳужумчи Антони Марсьяль фаолиятини «Ювентус»да давом эттириши мумкин.
Хабарга кўра, Турин клуби «Манчестер Юнайтед»нинг икки футболчисини ўз сафига қўшиб олишни истамоқда.
Погба 2012 йилдан 2016 йилга қадар «Ювентус» сафида тўп сурган. Жорий мавсумда ярим ҳимоячи манкунианликлар сафида АПЛ доирасида 15 та ўйинда майдонга тушиб, битта гол ва 9 та голли узатмани ўз номига ёздириб қўйди. Французнинг «қизил иблислар» билан амалдаги шартномаси 2022 йил июнь ойида ниҳоясига етади.
Марсьяль эса январь ойидан буён «Севилья» сафида ижара асосида ўйнамоқда. Ҳужумчи испан жамоасида 8 ўйинда битта гол ва битта голли узатмани амалга оширган. Антонининг «Манчестер Юнайтед» билан шартномаси 2024 йилда ўз ниҳоясига етади.
Аввалроқ, манкунианликлар «Рома» ҳужумчиси Тэмми Абраҳамга қизиқиш билдираётгани хабар қилинганди. «Ювентус» эса «Ливерпуль» вингери Муҳаммад Салоҳни ўз сафига қўшиб олишга уриниши мумкинлиги айтилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)